Sumardjass á Jómfrúnni // Sigurdís + Sigurður Flosason, Þorgrímur Jónsson and Péter Horváth

Píanóleikarinn og söngkonan Sigurdís Sandra Tryggvadóttir kemur fram á sjöundu tónleikum sumarjazztónleikaraðar veitingastaðarins Jómfrúarinnar við Lækjargötu, laugardaginn 19. júlí en hún hefur verið við nám og störf í Danmörku undanfarin ár. Með Sigurdísi leika þeir Sigurður Flosason á saxófón, Þorgrímur Jónsson á kontrabassa og ungverski trommuleikarinn Péter Horváth. Fluttir verða vel valdir jazzstandardar, bæði instrumental og sönglög í bland við lög úr öðrum áttum. Tónleikarnir fara fram utandyra á Jómfrúartorginu. Þeir hefjast kl 15 og standa til kl 17. Aðgangur er ókeypis.